Muǵalim Paktyń qylmystyq isi prokýratýraǵa jiberildi

QARAǴANDY. QazAqparat - Qaraǵandy oblystyq soty Ortalyq ámbebap dúkenge jarylǵysh zat qoıylǵandyǵy týraly polıtsııaǵa habarlasyp, jalǵan habar bergen orta mektep muǵalimi ıÝrıı Paktyń qylmystyq isindegi qorǵaýshynyń jańa dálelderin tekserý úshin prokýratýraǵa jiberdi, dep habarlady «QazAqparat» HAA tilshisi.

Qaraǵandy oblystyq sotynyń baspasóz qyzmetiniń habarlaýynsha, Reseıdegi Rostov sot saraptamalary ortalyǵynan jańa tujyrym kelgendikten, is materıaldary prokýratýraǵa jiberilgen. Qorytyndyda reseılik sarapshylar quqyq qorǵaý organdaryna qońyraý shalǵan er adamnyń daýysy ıÝrıı Paktykine uqsamaıdy degen sheshimge kelgen.

Sonymen birge, rostovtyq saraptamaǵa bes qazaqstandyq saraptamaǵa qaıshy kelip otyr. Otandyq sarapshylardyń aıtýynsha, ortalyq dúkenge jarylǵysh zat qoıyldy degen jalǵan habardy ıÝrıı Paktyń ózi aıtqan.

«Qaraǵandy oblystyq sotynyń apellıatsııalyq alqasy sottalýshy ıÝrıı Paktyń advokat-qorǵaýshysynyń jańadan ashylǵan aıǵaqtar boıynsha qylmystyq is óndirisin qaıta jandandyrý týraly ótinishin qarady.  Apellıatsııalyq alqa qaýlysymen Qylmystyq-protsessýaldyq kodekstiń 502-baby, 4-bólimine sáıkes ótinish Qaraǵandy oblystyq prokýratýrasyna tekserýge jiberildi», - dep habarlady oblystyq sot baspasóz qyzmetiniń jetekshisi Gúlbarshyn Jitikova.

G.Jitikova tekserý nátıjesi boıynsha prokýratýra materıaldardy jáne sot aktilerin qaıta qaraýǵa negiz bar-joǵy týraly óz tujyrymyn sotqa jiberedi.

Eske sala ketsek, 10 naýryz kúni Qaraǵandy oblysy Abaı aýdandyq soty fızıka pániniń muǵalimi ıÝrıı Paktyń jaza merziminiń 4/1 bóligin qysqartty.