Múftııat Pavlodar oblysynyń bas ımamyn aýystyrdy

ASTANA. QazAqparat - Pavlodar oblysynyń ákimi Bolat Baqaýov óńirge jumys saparymen kelgen Qazaqstannyń Bas múftıi Serikbaı qajy Orazben kezdesti, dep habarlaıdy QazAqparat aımaq basshysynyń resmı saıtyna silteme jasap.

Kezdesý barysynda Qazaqstan musylmandary dinı basqarmasynyń sheshimimen Pavlodar oblysynyń bas ımamy Narıman qajynyń basqa jumysqa aýysatyny anyqtaldy.

«Narıman qajy Máshhúr Júsip meshitinde 7 jyl qyzmet atqarǵan, al qazirgi ýaqytta ony Astanaǵa bas ımamnyń orynbasary laýazymyna shaqyrdyq. Onyń ornyna belgili teolog, óńirdi jan-jaqty biletin azamat Joldas qajyny taǵaıyndap otyrmyz», - dedi elimizdiń Bas múftıi.

Serikbaı qajy Oraz búgingi tańda din qyzmetkerleriniń basty mindeti dinı aǵymdardyń ókilderimen belsendi jáne sapaly jumys isteýleri qajet ekenin atap ótti. Óz kezeginde Pavlodar oblysynyń ákimi din qyzmetkerlerine jan-jaqty kómek kórsetetinine ýáde etti.