MSQ: Qaraǵandy oblysynda týberkýlezden emdeýge 720 mln teńgege jýyq qarajat baǵyttaldy

QARAǴANDY. QazAqparat – Óńirde týberkýlez dıagnozymen 738 adam tirkelip, em alýda. Osy jyldyń birinshi toqsanynda týberkýlezben aýyratyn naýqastardy anyqtaý, dıspanserlik baqylaý jáne emdeý boıynsha is-sharalary úshin Medıtsınalyq saqtandyrý qory týberkýlezge qarsy qyzmetke 719,7 mln teńge tóledi, dep habarlaıdy QazAqparat tilshisi.

Sonymen qatar bul qarajat eresekter men balalardy aýrýdan keıin medıtsınalyq ońaltýǵa jáne jasyryn týberkýlez ınfektsııasyn profılaktıkalyq emdeýge jumsaldy.

Týberkýlez áleýmettik mańyzy bar aýrýlar sanyna jatady. Onyń dıagnostıkasy, aldyn alý, emdeý, sondaı-aq esepte turǵan patsıentterdi ońaltý tegin

medıtsınalyq kómektiń kepildik berilgen kólemine kiredi. ıAǵnı, bul qyzmetter týberkýlezge kúdikti jáne rastalǵan dıagnozy bar patsıentterge medıtsınalyq

saqtandyrý júıesindegi mártebesine qaramastan tegin kórsetiledi.

«Týberkýlezben aýyratyn naýqastarǵa medıtsınalyq kómek jáne dári –dármekpen qamtamasyz etýge kepildik beriledi, aýrýdyń juqpaly túrinde-mindetti túrde aýrýhanaǵa jatqyzý qajet. Der kezinde anyqtalǵan jáne emdelgen jaǵdaıda syrqatty tolyq emdeýge bolady, sondyqtan aýrýdy údetpeı, profılaktıkalyq tekserýlerden ýaqtyly ótý, emdeýshi dárigerdiń nusqamalaryn qatań saqtaý jáne

óz densaýlyǵyn saqtaý mańyzdy», – dep túsindirdi Medıtsınalyq saqtandyrý qorynyń Qaraǵandy fılıalynda.