MSQ áleýmettik jelide shý týdyrǵan jarııalanymǵa qatysty pikir bildirdi
Aıtýynsha, azamat jubaıy ekeýi kovıdpen aýyrmaǵan jáne 2021 jyldyń qańtar aıynda eshbir em qabyldamaǵan.
Medıtsınalyq saqtandyrý qory atalǵan shaǵym negizinde jan-jaqty saraptama júrgizdi.
Aqparattyq júıelerdegi derekke súıensek, 24 qańtarda shetelden kelgen Evgenıı Muqamedjanov pen onyń jubaıy «Astana Inter Otel» qonaq úıine ornalastyrylyp, COVID-19 ınfektsııasyna test tapsyrǵan.
QR Bas sanıtarlyq dárigeriniń 2020 jyly 23 qazandaǵy qaýlysy boıynsha, shetelden kelgen azamattar COVID-19 ınfektsııasyna PTsR-analız tapsyrmaǵan bolsa, 2 táýlikke deıin karantındik statsıonarǵa jatqyzylýy tıis. Muqamedjanovtar da osy tártip boıynsha karantınge jatqyzylǵan, bul qyzmet aqparattyq júıege «Aýrýǵa kúdik týyndaýyna baılanysty baqylaý júrgizý» degen ataýmen engizilgen.
«Astana Inter Otel» qonaq úıi COVID-19 juqtyrǵan jáne koronavırýstyń aldyn alýǵa qatysatyn densaýlyq saqtaý nysandary men medıtsınalyq emes uıymdar tizimine engen. Buǵan «Almaty Qoǵamdyq densaýlyq basqarmasy men Sanıtarlyq-epıdemıologııalyq baqylaý komıtetiniń Almaty departamenti arasyndaǵy kelisim negiz bolyp otyr.
Medıtsınalyq saqtandyrý qorynyń málimetinshe, COVID-19 ınfektsııasyn emdeý, aldyn alý sharalarynyń aqysy juqpaly aýrýlar profıli boıynsha lıtsenzııasy bar emdeý mekemeleri arqyly tólenedi. Sondyqtan atalǵan azamatqa kórsetilgen qyzmet «Izatıma Jekenova atyndaǵy qalalyq klınıkalyq juqpaly aýrýlar aýrýhanasy» arqyly tólengen.
Saraptama barysynda shaǵymdanýshynyń karantındik statsıonarǵa jatqyzylǵany rastaldy. Oǵan qosa, shetelden oralǵan azamattardy ornalastyrýmen aınalysqan medıtsına uıymy tıisti derekterdi aqparattyq júıege kesh engizgen. Bul másele Qoǵamdyq densaýlyq basqarmasyna habarlandy, aldaǵy ýaqytta jaýapty mamandarǵa shara qoldanylýy tıis.
Esterińizge sala ketsek, klınıkalar medıtsınalyq qyzmet kórsetildi dep jalǵan aqpar tirkegen jaǵdaıda Qordyń 1406 biryńǵaı baılanys ortalyǵy men Qoldau 24/7 mobıldi qosymshasy arqyly shaǵymdanýǵa bolady.
2020 jyly Áleýmettik medıtsınalyq saqtandyrý qorynyń mamandary medıtsınalyq qyzmetterdiń sapasy men kólemi boıynsha 1,2 mıllıonnan asa kemshilikti anyqtaǵany týraly habarlanǵanyn eske salamyz.
Monıtorıng kórsetkendeı, eń kóp taralǵan buzýshylyq (60%) - bul kómek kóleminiń jasandy ósýi. Kelesi kezekte – esep qujattaryn qate toltyrý – bul barlyq jaıttyń 15%-y, al emdeý jáne dıagnostıka sharalaryn oryndaý barysynda standarttar men klınıkalyq protokoldardan negizsiz aýytqý – 9,6%. Sondaı-aq, naýqastardyń dıagnozyn jasandy qıyndatý, aýrýhanaǵa jatqyzbaý nemese medıtsınalyq kómek kórsetpeý, qyzmetter men dári-dármekterdi «berildi» dep jalǵan toltyrý jaıttary kezdesedi.
2020 jyldyń qorytyndysy boıynsha ÁSMQ 21 myńnan astam qyzmettiń shyn máninde oryndalmaǵanyn anyqtady, olardyń jalpy quny 290,9 mln teńgege (ekonomıkalyq sharalardy eskergende) jetedi. Onyń ishinde ambýlatorııalyq-polıklınıkalyq kómek, keńes berý jáne dıagnostıka qyzmetteri deńgeıinde - 167 mln teńge somaǵa 20 122 kemshilik.
Bıyl Qor sapany baqylaý júıesine ózgerister engizýdi josparlap otyr. Medıtsınalyq qyzmetterdi kórsetý tártibi men patsıentterdiń quqyǵyn buzýǵa ákep soǵatyn jaǵdaılar men sebepterdi anyqtaý jáne aldyn alýǵa baǵyttalǵan proaktıvti monıtorıng engiziledi.