«Mirjaqyp. Oıan, qazaq!» fılmin prokattan alyp tastaǵany ras pa

<p>Jelide &laquo;Mirjaqyp. Oıan, qazaq!&raquo; atty mını serııaly fılmdi kórsetilimnen alyp tastady degen aqparat tarady. Osy oraıda fılm rejısseri túsinikteme berdi, dep habarlaıdy QazAqparat tilshisi.</p>

 

«Mirjaqyp. Oıan, qazaq!» fılmi kestede nege joq, degen suraqtar tań atqaly kóptep kelip jatyr. Shyǵarmashylyq top, ıaǵnı, biz prokatpen aınalysqan joqpyz, dese de, myna nárseni aıtqym keledi. Fılm 21 qyrkúıekten bastap týra eki apta boıy kınoteatrlarda kórsetildi. Negizi prokat merzimi ótken jeksenbi aıaqtalǵan bolatyn, alaıda kópshiliktiń suranysyna baılanysty 4 qazanǵa deıin uzartyldy», — dep jazdy atalǵan fılm rejısseri Murat Esjan Facebook paraqshasynda.

Onyń aıtýynsha, 6 serııaly telehıkaıadan kórkem fılm jasaý, ony úlken ekran arqyly kópshilikke usyný «Qazaqstan» teleradıokorporatsııasynyń tikeleı ıdeıasy men usynysy bolǵan.

«Ol úshin alǵystan basqa aıtarymyz joq. Sondyqtan prokat meriziminiń aıaqtalýynan qandaı da bir astar izdep, taraptardy kinálaýdyń orny joq dep sanaımyn. Ýaqyty men qarjysyn qıyp, kelgen, kórgen, taratqan barsha kórermenge alǵysymyz sheksiz. Kórip úlgermegen aǵaıyn úshin fılm jaqyn arada „Qazaqstan“ arnasynyń efırine jáne onlaın-platformalarǵa shyqpaq», — dep túsindirdi ol.