Moınynda kredıti bar sarbazdar áskerı boryshyn alańsyz atqaryp júr
«Ońtústik» óńirlik qolbasshylyǵynyń Baýyrjan Momyshuly atyndaǵy 5-shi mehanıkalandyrylǵan brıgadasynda boryshyn ótep júrgen sarbazdar Jarylqasyn Saǵı men Nurhat Birjan jáne oǵan qosa jıyrmadan astam áskerı qyzmetshi kredıt demalysyn sátti paıdalana aldy.
Endi olar áskerde júrgende nesıesiniń ósimpuly kóbeıip ketedi dep alańdamaıdy.
Mundaı sarbazdardyń biri Birjan Nurhat bankten 600 myń teńge kredıt alǵan.
«Áskerge barýdan qoryqqan joqpyn. Biraq, men úshin kredıtimdi kim tólep otyrady dep qatty alańdaýshylyq boldy. Áskerı komıssarıatta kredıtti ýaqytsha toqtata turatyndyǵyn aıtyp túsindirdi. Qazir oǵan eń alańdamaımyn. Áskerden oralǵannan keıin ony tolyq tóleıtindigime senimdimin», — dedi ol.
Atalǵan brıgadanyń komandıri podpolkovnık Jánibek Quranbekov áskerı bólimge jas jas sarbazdar kelgen sátten-aq olardyń nesıeleriniń bar-joǵyn anyqtaýy jumys júrgiziletindigin aıtady.
«Sodan keıin banktermen birge sarbazdarǵa kredıttik demalys berý jumystaryn júrgizemiz. Osyndaı qamqorlyqtyń arqasynda sarbazdar kredıtine alańdamaı áskerı boryshyn senimdi atqarady», — dedi Jánibek Quranbekov.
Al sarbaz Saǵı Jarylqasyn 450 myń teńge kredıt násimdep, teledıdar satyp alǵan eken.
«Áskerı boryshymdy ótep bastaǵan alǵashqy aıda-aq bankten nesıeniń 13 aıǵa ýaqytsha toqtatylǵany týraly habarlama tústi. Sol sátten nesıege alańdamaıtyn boldym», — dedi ol.