Moıynqumda 12 jastaǵy qyzdyń zorlanýy: Ekinshi kúdikti ustaldy

<p>TARAZ. KAZINFORM - Jambyl oblysynyń Moıynqum aýdanynda 12 jastaǵy qyzdy alty jyl boıy zorlap keldi dep kúdikke ilingen eki aǵaıyndynyń ekeýi de ustaldy. Bul aqparatty oblystyq polıtsııa departamenti taratty.</p>

«Moıynqum aýdanynyń aýmaǵynda QK 120-baby 4-bóligi (jas balaǵa qatysty zorlaý áreketin jasaý) boıynsha asa aýyr qylmys jasady degen kúdikpen izdeýde bolǵan er adam ustaldy. Ol Shý aýdanynan 60 shaqyrym jerdegi sharýa qojalyǵynan tabyldy. Qazirgi tańda kúdikti ýaqytsha ustaý ızolıatoryna qamaldy. Oǵan qatysty sotqa deıingi tergeý amaldary júrgizilip jatyr», - delingen Jambyl oblysy polıtsııa habarlamasynda

Eske sala ketsek, Jambyl oblysynda 6 jyl boıy týys eki aǵasynan zorlyq-zombylyq kórgen 13 jasar qyzdyń isine baılanysty polıtsııa qyzmetkerleri jedel-izdestirý is-sharalaryn júrgizdi. Nátıjesinde bir kúdikti izin sýytpaı ustalyp, qamaqqa alyndy. Ekinshi kúdiktige qatysty izdeý jarııalandy.