«Moı mır» áleýmettik jelisi qazaq tiline aýdaryldy

ASTANA. Reseıdiń «Moı mır» áleýmettik jelisi óziniń ınterfeısin qazaq tiline aýdardy. Sebebi, onyń Qazaqstandaǵy aı saıynǵy úsh mıllıon qoldanýshylarynyń basym bóliginiń ana tili - qazaq tili bolyp tabylady.

Endi atalmysh áleýemettik jeliniń qazaqstandyq paıdalanýshylary «Moı mır» paraqshasyn óz týǵan tilinde júrgize alady. ıAǵnı ol «Meniń álemim» dep atalady. Qazaq tiline aýysý úshin jeke paraqshańyzdaǵy baptaýlardan qazaq tilin tańdap alsańyz bolǵany, dep habarlaıdy forbes.kz. Sondaı-aq jaqyn bolashaqta kompanııa tanymal mobıldi platformalar úshin qazaq tilindegi qosymshasyn shyǵarýdy jsoparlap otyr. «Sońǵy jyldarda Qazaqstanda qazaq tildi aýdıtorııamyzdyń ósip kele jatqany baıqaldy. Qazaq tilin iskerlik te, turmystyq ta deńgeılerde, onyń ishinde áleýmettik jelilerde jıi qoldanatyndardyń sany artty. «Moı mır» Qazaqstandaǵy №1 áleýmettik jeli bolǵandyqtan, biz osylaısha paıdalanýshylarymyzdyń týǵan tilinde qarym-qatynas jasaý múmkindigin qarastyrdyq», deıdi «Moı mır» áleýmettik jelisiniń basshysy Denı Alaev. Sondaı-aq ol qazaqstandyq paıdalanýshylardyń jelige qatysty usynys-pikirlerin qýana qabyldaıtyndyqtaryn jetkizdi.