Mototsıklden qulaǵan aqtóbelik Atyraý oblysynyń qutqarýshylarynan kómek surady

<p>ATYRAÝ. KAZINFORM &ndash; Aqtóbe oblysyndaǵy Dııar aýylynyń turǵyny mototsıklden qulap, ıyǵyn syndyryp alǵan. Ol aýrýhanaǵa jetý úshin atyraýlyq qutqarýshylardyń kómegine júgindi.</p>

Atyraý oblystyq Tótenshe jaǵdaılar departamenti qoǵammen baılanys tobynyń málimetinshe, 20 naýryzda saǵat 23:39-da Jylyoı aýdanyndaǵy №2 mamandandyrylǵan órt sóndirý bólimine Aqtóbe oblysy Baıǵanın aýdanyndaǵy Dııar aýylynan shaqyrtý túsken.

«Aqtóbe óńirindegi bul aýyl Atyraý oblysyndaǵy Jylyoı aýdanynyń ortalyǵy – Qulsary qalasynan 180 shaqyrym qashyqtyqta ornalasqan. Sol sebepten jol talǵamaıtyn TREKOL kóligimen Dııar aýylyna barǵan qutqarýshylar 1973 jylǵy er adamnyń mototsıklden qulap, ıyǵyn syndyryp alǵanyn anyqtady. Atalǵan aýylmen arada avtokólik júretin tas joldyń bolmaýyna baılanysty zardap shegýshini aýrýhanaǵa jetkizý qıyn bolǵan.

Qutqarýshylar 21 naýryz kúni saǵat 12:20-da zardap shekken azamatty Jylyoı aýdandyq ortalyq aýrýhanasyna jetkizdi. Qazir ol dárigerlerdiń baqylaýyna alynǵan.

Qutqarý jumysyna Jylyoı aýdanyndaǵy №2 mamandandyrylǵan órt sóndirý bóliminen 3 qyzmetker, 1 tehnıka, Jylyoı aýdandyq polıtsııa bóliminen 1 qyzmetker jumyldyryldy.

Eske sala ketelik, budan buryn Atyraý oblysynda júk kóligi jol jıegine shyǵyp ketkenin jazǵan edik.