Motivedia Boxing Golovkın týraly vıdeo jarııalady

ASTANA. QazAqparat - «Motivedia Boxing»-niń Youtube-kanalynda WBA (Super), WBC, IBF jáne IBO tujyrymdary boıynsha orta salmaqtaǵy álem chempıony Gennadıı Golovkınge (37-0-1, 33 KO) arnalǵan vıdeorolık jarııalandy, dep habarlaıdy QazAqparat Sports.kz saıtyna silteme jasap.

«Gennadıı Golovkın - P4P-reıtınginde birinshi orynǵa úmitkerlerdi biri jáne sońǵy ýaqyttaǵy orta salmaqtaǵy úzdikterdiń biri. Saýl Alvarespen teń túskennen keıin bir nárseni naqty aıtýǵa bolady: biz qazaqstandyq boksshyny áli talaı kóremiz. 38 aıqaspen jáne 33 nokaýtpen ol áli de jeńilip kórmegender qatarynda. Ótken jolǵy teń kezdesýmen mansabyna sál ǵana kir keltirip aldy. GGG revanshta jeńedi ma?»- delingen vıdeonyń astyna qaldyrylǵan jazbada.

Eske salaıyq, Golovkınniń sońǵy jekpe-jegi 16 qyrkúıek kúni AQSh-tyń Las-Vegas qalasynda meksıkalyq sportshy Saýl Alvareske qarsy ótti. Tóreshilerdiń sheshimimen aıqas teń aıaqtaldy. Jeńimpaz anyqtalmaǵanymen, GGG barlyq belbeýlerin (WBA (Super), WBC, IBF jáne IBO tujyrymdary boıynsha) saqtap qaldy.