Moody's Turǵyn úı qurylys jınaq bankiniń «jaǵymsyz» reıtıngin «turaqty» dep ózgertti

ASTANA. QazAqparat - Moody's Halyqaralyq reıtıngtik agenttigi Turǵyn úı qurylys jınaq bankige qatysty óziniń «jaǵymsyz» joramalyn «turaqtyǵa» ózgertti jáne onyń («Báıterek» holdınginiń enshiles uıymy) eldiń «Baa3» egemendi reıtıngi deńgeıindegi uzaqmerzimdi kredıttik reıtıngisin rastady, dep habarlaıdy banktiń baspasóz qyzmeti.

Buǵan deıin Moody's Qazaqstannyń memlekettik reıtıngin osylaısha ózgertken bolatyn. Boljamnyń bulaı ózgerýi elimizdiń ekonomıkasynyń jaqsaryp kele jatqandyǵyn bildiredi.

«Boljamnyń ózgerýi jáne «Baa3» deńgeıindegi reıtınginiń saqtalýy - bul jaqsy belgi. Ol arqyly aktıvterdiń sapasynyń, qarjy kórsetkishteri jıyntyǵynyń reıtıngtik agenttikterdi qanaǵattandyra bilgendigin baıqaýǵa bolady. Banktiń qatardaǵy klıenti úshin turaqty reıtıng -bul birinshi kezekte óz klıentteri aldynda banktiń barlyq mindettemelerdi oryndaýynyń senimdi kórsetkishi»,- dedi «Qazaqstannyń turǵyn úı qurylys jınaq banki» AQ basqarma tóraıymynyń orynbasary Janar Jubanııazova.

Janar Jubanııazova, sonymen qatar, bankiniń qazirgi reıtıngisi basqarý qyzmetiniń jáne bıznes-startegııasynyń joǵary tıimdiligin kórsetetindigin basa aıtty. Turǵyn úı qurylys jınaq banki kredıttik portfel sapasyna asa úlken kóńil bólýde. Qazirgi tańda, banktegi problemalyq zaemdardyń úlesi nebári 0,41% quraıdy. Merzimi ótken qaryzdardyń mundaı tómengi kórsetkishi zaemshylardyń tólem tártibin ýaqtyly júrgizetindigimen túsindiriledi.

Turǵyn úı qurylys jınaq bankinde qazir 965 100 qoldanystaǵy depozıt esepteldi. 6 aıdyń ózinde TQJ júıesine 200 myń jańa qatysýshy qosyldy. 2017 jyly Turǵyn úı jaǵdaıyn jaqsartýǵa 17 978 qazaqstandyq zaem ala bildi.