Monopolııanyń kesirinen kompanııalar baılanys pen ınternet baǵasyn qalaýynsha ósirip otyr - agenttik

ASTANA. QazAqparat - Búgin Astanada ótken báseke týraly forýmda Básekelestikti qorǵaý jáne damytý agenttiginiń tóraǵasy Marat Omarov telekommýnıkatsııa naryǵyndaǵy monopolııa týraly aıtty, dep habarlaıdy QazAqparat.

Atalmysh naryq joǵary shoǵyrlanǵan, memlekettiń naryqtaǵy úlesi 75% deıin ósti.

Qazaqtelekom da aýktsıonda radıojıilik spektrin satyp aldy. Negizi bul bızneske satylýy kerek memlekettik resýrs edi.

«Demek, «memleket ózine ózi satty» degen sóz. Monopolııalandyrý klıent úshin báseke deńgeıi men qyzmet kórsetý sapasynyń tómendeýine sebep boldy. Qazir baılanys qyzmetterine tarıfterdiń birjaqty kóterilýine baılanysty shaǵymdar kelip jatyr. Jekelegen tarıftik josparlar quny 2 ese ósti», - dedi agenttik tóraǵasy.

Marat Omarovtyń aıtýynsha, máselen Altel 13 naýryzdan bastap 1 mınýt sóılesý/SMS qunyn 9-dan 18 teńgege deıin ósirgen.

Erkin radıojıilik spektriniń bolmaýy, ekonomıkalyq kedergiler básekege qabiletti uıaly baılanys naryǵyn qalpyna keltirý perspektıvasyn tómendetedi.

«Úkimettiń bir uıaly baılanys operatoryn bólý jospary bar, biraq ázirge ony iske asyrýdyń naqty mehanızmi joq, ókinishke qaraı. Sondaı-aq, jeke operatorlardyń, mysaly, IT naryqtarynda, aralas naryqtarǵa kirý áreketteri baıqalady», - deıdi Marat Omarov.