Monopolııalyq naryqtaǵy baǵany baqylaý kúsheıedi

<p>ASTANA. KAZINFORM &ndash; QR Básekelstikti qorǵaý jáne damytý agenttigi monopolııaǵa qarsy túzetýler paketin ázirledi. Zań jobasy 7 bazalyq baǵyttan turady. Bul týraly agenttiktiń baspasóz qyzmeti habarlady.&nbsp;</p>

Birinshiden, bul monopolııalyq naryqtardaǵy baǵany baqylaýdy kúsheıtý.

«Biz básekelestik naryqtardyń, AÓK jáne basqalardyń baǵalyq baqylaýynan alystap, biraq nazarymyzdy joǵary shoǵyrlanǵan naryqtarǵa aýdaryp otyrmyz. 
Munda biz monopolııalyq joǵary baǵany aıqyndaý krıterıılerin keńeıtemiz, monopolııalyq naryqtar úshin dınamıkalyq baǵa belgileý Erejelerin retteýdi, tsıfrlyq naryqtardaǵy ústemdiktiń jańa krıterıılerin, sondaı-aq SEM jáne energetıkalyq kómirdiń tehnologııalyq baılanysty qyzmetterin baǵalyq retteýdi engizemiz» — dedi Básekelestikti qorǵaý jáne damytý agenttiginiń tóraǵasy Marat Omarov. 

Onyń aıtýynsha, kelesi mańyzdy baǵyt — ekonomıkalyq shoǵyrlanýdy baqylaýdy keńeıtý.

«Biz memlekettik múlik pen resýrstardy (jekeshelendirý, RJS, jer qoınaýyn paıdalaný) berý jónindegi mámilelerdi naryqtyq qurylymǵa barynsha áser etetin mámilelerdi kelisýdi alǵash ret engizip otyrmyz. Biz sondaı-aq qalǵan mámilelerdi 50-den 25% — ǵa deıin kelisý shegin tómendetemiz jáne keıbir topishilik mámilelerdi baqylaýdy kúsheıtemiz» — dedi ol.

Zań jobasy sonymen qatar monopolııaǵa qarsy taldaýlar men tergeýlerdiń tıimdiligin arttyrý boıynsha birqatar túzetýlerdi usynady. Bul memlekettik organdardyń taldaý qorytyndylary boıynsha Agenttiktiń usynymdaryn mindetti túrde qaraýy jáne olardyń oryndalýy týraly uıǵarymdar shyǵarýy, tergeý júrgizý ádistemesi jáne básekelestik zańnamany jyl saıyn jalpylaý.

Sonymen, tutynýshylardyń múddelerine áser etetin mańyzdy túzetý. Bizdiń elimizde monopolııaǵa qarsy retteýdiń barlyq kezeńinde biz eshqashan tutynýshylarǵa aqshany qaıtarýmen aınalysqan emespiz. Tek ákimshilik baqylaý, bıýdjetke aıyppul salý jáne buzýshylyqty joıý sharalary qoldanyldy, al tutynýshylar ádil ótemaqy almady.

«Biz ujymdyq talaptardyń tıimdi mehanızmin usynamyz. Bul ınstıtýt damyǵan elderde (AQSh, EO) ózin jaqsy kórsetti» - dedi agenttik basshysy. 

Monopolııaǵa qarsy retteýdi jetildirýmen qatar, zań jobasy taýar naryqtaryn rettemeýge jáne memlekettiń kásipkerlikke qatysýyn azaıtýǵa baǵyttalǵan. Jalpy, bul agenttik qyzmetiniń tıimdiligin arttyrýǵa, básekelestik ahýaldy jaqsartýǵa jáne bıznes úshin neǵurlym qolaıly jaǵdaılar jasaýǵa múmkindik beredi.