Monopolııaǵa jol bergen QazMunaıGazǵa jarty mlrd teńge aıyppul salyndy

<p>ASTANA. KAZINFORM — Básekelestikti qorǵaý jáne damytý agenttiginiń Astana boıynsha departamenti prokýratýra organdarymen birlesip «QazMunaıGaz» UK» AQ-ǵa tekserý júrgizdi. Onda 2023 jyldyń ótken kezeńinde monopolııaǵa qarsy zańnamanyń saqtalýyna monıtorıng jasaldy.  </p>

Tekserý qorytyndysy boıynsha aktsıonerlik qoǵamnyń is-áreketinde munaı ónimderin ótkizýdi shekteý bóliginde óziniń ústem jaǵdaıyn teris paıdalaný faktileri anyqtaldy.

Aktsıonerlik qoǵam munaı ónimderin satýǵa berilgen ótinimderdi elemedi. 

Al keı jaǵdaılarda munaı ónimderin ótkizý múmkindigi bar jeke satyp alýshylarmen munaı ónimderiniń kólemin qysqartý arqyly dıskrımınatsııa jasaǵan. 

Astana ákimshilik mamandandyrylǵan aýdanaralyq sotynyń qaýlysymen QazMunaıGazǵa 539,4 mln teńge aıyppul salyndy.