Monopolııaǵa qarsy qyzmet Ulttyq sertıfıkattaý ortalyǵyn tekserip jatyr
10:17, 23 Qyrkúıek 2022
ASTANA. QazAqparat - Monopolııalyq joǵary baǵalardy belgileý kezinde ústem jaǵdaıdy teris paıdalandy degen kúdikpen «Ulttyq saraptama jáne sertıfıkattaý ortalyǵy» AQ-ǵa qatysty tergeý bastaldy, dep habarlaıdy QazAqparat.
Básekelestikti qorǵaý jáne damytý agenttigi sáıkestikti rastaý (synaý, sertıfıkattaý, ónimder men kórsetiletin qyzmetterdi deklaratsııalaý) jáne metrologııa (ólshem quraldaryn salystyryp tekserý jáne kalıbrleý) qyzmetteri naryqtaryndaǵy básekelestik jaı-kúıine taldaý júrgizdi.
Ulttyq ortalyq ústem jaǵdaıǵa ıe bola otyryp, keıbir qyzmetterdiń baǵasyn kótergen.
Tergeý qorytyndysy boıynsha Ulttyq ortalyqtyń joǵaryda kórsetilgen qyzmetterge baǵany kóterý jónindegi is-áreketterine tıisti baǵa beriletin bolady.