Monopolııaǵa qarsy komplaens ınstıtýty arnaıy komplaens júıesin engizýdi usyndy
Jaqynda iri bıznes sýbektilerine monopolııaǵa qarsy komplaenstiń ishki aktisin óz betinshe ázirleý úshin ádistemelik usynymdar jiberiletin bolady.
Monopolııaǵa qarsy komplaens ınstıtýty Qazaqstanda 2017 jylǵy 1 qańtardan bastap jumys isteı bastady, ol quqyq buzýshylyqtyń aldyn alý quraly bolyp tabylady. Osy ınstıtýttyń arqasynda bıznes taýar naryǵyndaǵy adal is-áreket praktıkasyn monopolııaǵa qarsy organmen aldyn ala kelisý múmkindigine ıe boldy.
Osy ınstıtýt jumys istegen tórt jyl ishinde monopolııaǵa qarsy organ otyn-energetıka kesheni, kólik jáne baılanys naryqtarynda quqyq qoldaný máselelerin naqtylaǵan 82 monopolııaǵa qarsy komplaenstiń syrtqy aktisin kelisti. Bul shekteýli resýrstardy satýǵa arnalǵan ótinimderdi qaraý jáne qanaǵattandyrý, taýar naryqtaryn taldaý jáne naryqqa qatysýshylardyń ústem nemese monopolııalyq jaǵdaıyn taný rásimderimen, sondaı-aq resýrstar men ınfraqurylymdy birlesip paıdalaný, baǵa belgileý jáne básekelestik emes praktıkalardy qoldaný máselelerimen baılanysty kóptegen zańnamany buzýshylyqtardyń aldyn alýǵa múmkindik berdi.
Komplaens ınstıtýtynyń negizgi qaǵıdaty ony engizýdiń erikti sıpaty jáne quqyq buzýshylyqtardyń aldyn alý bolyp tabylady.
Búgingi kúni monopolııaǵa qarsy komplaens ınstıtýtyn jetildirý boıynsha jumystar aıaqtaldy, aldaǵy ýaqytta iri bıznes sýbektilerine monopolııaǵa qarsy komplaenstiń ishki aktisin ázirleý úshin ádistemelik usynymdar jiberiletin bolady.
Bul ádistemelik usynymdar negizdemelik bolyp tabylady jáne monopolııaǵa qarsy komplaenstiń ishki aktisin qabyldaý, sondaı-aq ony engizý jáne tıimdi jumys isteýi úshin jaýapty tulǵalardy aıqyndaý boıynsha sheshimdi bıznes sýbektileri derbes qabyldaıdy.