Monopolııaǵa qarsy komıtet «QazMunaıGaz Ónimderi» JShS avtojanarmaı quıý stansasyn satyp alý jónindegi mámilege tyıym saldy

ASTANA. QazAqparat - QR Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti (TMRBQK) jeke kásipkerlerdiń birine tıesili Qyzylorda oblysyndaǵy avtojanarmaı quıý stansasyn múliktik jalǵa alýdy qamtıtyn (jalǵa alý) ekonomıkalyq shoǵyrlanýǵa kelisim berý týraly «QazMunaıGaz Ónimderi» JShS-nyń ótinishhatyn qarady.

Ótinishhatty qaraý  barysynda 2015 jyldyń qorytyndylary boıynsha Qyzylorda oblysyndaǵy  munaı ónimderin bólshek saýdada ótkizý  qyzmetteri naryǵyna taldaý júrgizildi, dep habarlaıdy QR Ulttyq  ekonomıka mınıstrliginiń baspasóz qyzmeti.

AI-95/96 benzınin  ótkizý naryǵynda «QazMunaıGaz Ónimderi» JShS úlesi 35% astamdy, «Sinooil»JShS jáne  «TS Ońtústik janar maı» JShS AI-95/96 benzınin  ótkizý boıynsha 50% astamdy qurady.

Budan basqa «QazMunaıGaz Ónimderi» JShS AI-92/93 benzınin ótkizý kólemi 2017 jyly 51 esege,  AI 95/96 -  69 esege ulǵaıatyn bolady,  bul 2020 jylǵa deıin ótkizý úlesin keıinnen ulǵaıtý arqyly  onyń naryqtaǵy ústem jaǵdaıynyń  kúsheıýine alyp keledi.

Osylaısha 2015 jyly «QazMunaıGaz Ónimderi» JShS  «Sinooil» JShS jáne  «TS Ońtústik janar maı» JShS-men AI-95/96 (naryqtaǵy úlesi 35 % astam) jáne AI-92/93 otyndy ótkizý jónindegi ústem jaǵdaıǵa ıe boldy, sondaı-aq TMRBQK naryǵyndaǵy úlesiniń boljamdy  ulǵaıýy  osy taýar naryǵynda  básekelestikti shekteýge jol bermeý maqsatynda osy ekonomıkalyq shoǵyrlanýǵa tyıym saldy.