Monopolıster xalyqtyń aqshasyna qalaı baıyp otyr
«Qaraǵandy oblysy kásipkerleriniń qaýymdastyǵy» ZTB basshysy Nıkolaı Abttyń aıtýynsha, damyǵan memleketterde energııa óndirýshi kompanııalar sońǵy baǵanyń 70 paıyzyn alsa, qalǵany energııa taratýshy kásiporyndarǵa tıesili. Oǵan qosa, tabıǵı monopolııalardy retteý organdary atalǵan kompanııalardyń tabysyn 5-20 paıyzdan asyrmaıdy. Sonda tutynýshylar úshin energııanyń ózindik baǵasyna tek 50-78 protsent qana qosylady.
«Al bizde qalaı? Energııanyń ózindik baǵasy - 2,5 teńge/kVt. Al stansalar ony 7,5 teńgege satady. Sóıtip, 200 paıyz paıda kórip otyrady. Osydan keıin energııa taratýshy kompanııalardyń qyzmeti taǵy bar. Olar tutynýshylarǵa bir kılovatty 30 teńgege deıin satady. Aýyldyq jerlerde odan da kóp shyǵady. Demek, elektrenergııanyń ózindik baǵasy sońǵy baǵanyń tek 7,5 protsentin ǵana quraıdy. Al tutynýshyǵa jetkenshe ústeme baǵa 1200 protsentke deıin barady», - dedi N.Abt «Protecting business and investments» jobasynyń qorytyndysyna arnalǵan jıynda.
Aıta keteıik, osy jıynda birlestik basshysy monopolısterdiń xalyqty qalaı aldaıtynyn aıtyp berdi. Búginde zań boıynsha monopolıster ınvestıtsııalyq tarıf arqyly qosymsha qarjy tartyp, ol aqshany ınjenerlik jelilerdi jóndeýge jumsaı alady. Alaıda atalǵan qarajat tutynýshylarǵa qaıtarylýy shart. Monopolıster zańnyń dál osy normasyn oryndamaı jatady.