Monopolıster tarıfterdi negizsiz kótergeni úshin 5,5 mlrd teńge tóledi
Bul týraly QR Qarjy monıtorıngi agenttiginiń baspasóz qyzmetinen málim boldy, dep habarlaıdy QazAqparat.
Baspasóz qyzmetiniń derekterine qaraǵanda, QR Qarjy monıtorıngi agenttigi Memleket basshysynyń tapsyrmasyn oryndaý maqsatynda kommýnaldyq qyzmetterge tarıfterdi qalyptastyrýǵa áser etetin negizsiz shyǵyndardy anyqtaý boıynsha jumys júrgizip jatyr.
Osyǵan qaraı 16 kásiporyn men 2 laýazymdy tulǵaǵa qatysty júrgizilgen keshendi jumystardyń nátıjesinde jylýmen, elektrmen, sýmen jáne gazben qamtý salasy boıynsha 21 sotqa deıingi tergep-tekserý jumystary bastaldy.
«Búgingi tańda atalǵan isterdiń barlyǵy boıynsha keltirilgen 5,5 mlrd teńgege zalal óteldi jáne 1,9 mlrd teńgeniń múlkine toqtam salyndy»,-delingen habarlamada.
Máselen, Atyraý oblysynda Qulsary qalasy men Jańa Qaraton kentindegi jylý jelilerin, sý qubyrlaryn jáne káriz qubyrlaryn jóndeý kezinde qarjy jymqyrý, sondaı-aq artyq tólem jasaý faktileri boıynsha ister tergelip jatyr.
QMA aýmaqtyq departamentiniń jumysynyń qorytyndysy boıynsha atalǵan eldi mekenderdegi eki monopolıst tarıfti tómendetý máselesi qaıta qaraldy:
- Atyraý qalasyndaǵy kóterme gaz tutynýshylary úshin bıylǵy jyldyń sońyna deıin 17 myń teńgeden 0 teńgege deıin 2,5 mlrd teńge shyǵyn óteldi;
- Qulsary qalasy men Jańa Qaraton aýylyndaǵy qarapaıym sý tutynýshylary úshin 30%-dan 40%-ǵa deıin.
Aqmola oblysynda lıtsenzııasyz qyzmetpen aınalysý faktisi boıynsha energııamen jabdyqtaýshy kompanııaǵa qatysty is tergeláp jatyr.
Qabyldanǵan sharalardyń nátıjesinde atalǵan uıymnyń tarıfinen negizsiz qarjy jınaý jumystaryna tyıym salyndy. Bul árbir abonentke aı saıyn 2,5 myń teńgege deıin únemdeýge múmkindik berdi.
Dál osy oblysta monopolısttiń temirjol trassasyn bergeni úshin tarıf baǵasyn negizsiz asyra baǵalaý faktisi anyqtaldy. Kásipkerlerden zańsyz óndirip alǵan jalpy somasy 232 mln teńgeni qurady. Sotqa deıingi tergeý bastaldy, onyń aıasynda tıisti tarıfti tómendetý máselesi sheshiletin bolady.
Osyndaı zań buzýshylyqtar Aqtóbe, Jambyl, Qyzylorda jáne Mańǵystaý oblystarynda da anyqtaldy. Barlyq jaǵdaılarda tómendetilgen tarıfter engizildi nemese qaıta esepteldi.
«Qarjylyq monıtorıng agenttigi baǵalar men tarıfterdi negizsiz kóterý faktileriniń aldyn alý boıynsha júıeli jumysty jalǵastyrýda»,-delingen baspasóz qyzmeti taratqan aqparatta.