Monopolıst Temirtaý turǵyndaryna 300 mln teńge qarajatty qaıtaryp berdi

ASTANA. QazAqparat - Monopolıst Temirtaý turǵyndaryna 300 mln teńgeden astam qarajatty qaıtaryp berdi, dep habarlaıdy QR Bas prokýratýrasynyń baspasóz qyzmeti.

Prokýrorlar Temirtaýdyń 120 myń turǵynynyń quqyǵyn qorǵady.

Temirtaý qalasynyń prokýratýrasy 2022-2023 jyldar kezeńinde jylýmen jabdyqtaý salasyna taldaý júrgizdi.

Osy jylytý maýsymy bastalǵannan beri «Oqjetpes-T» JShS-si «ArselorMıttal Temirtaý» AQ-nyń JEO-2 jelilerinde jóndeý jumystaryn júrgizgeni anyqtaldy, bul qala turǵyndarynyń úılerinde temperatýralyq rejımniń jıi buzylýyna soqtyrǵan.

Tıisinshe, mundaı jaǵdaılarda jylý berý qyzmetteriniń qunyn qaıta esepteý kerek, biraq monopolıst muny jasamaǵan.

Prokýratýranyń qadaǵalaý aktisi boıynsha kásiporyn jylýmen jabdyqtaýdy paıdalanǵany úshin 300 mln teńgeden astam somaǵa 120 myń turǵynǵa (118 362 jeke tulǵa jáne 1329 bıznes sýbektisi) túbirtekterdi qaıta eseptedi.