Monoqalalardy damý áleýetteri neginde 3 topqa bólý qajet - Toqaev
«Monoqalalardy olardyń áleýeti negizinde úsh topqa bólgen durys bolady dep sanaımyn. Bul máselede barynsha syndarly bolý qajet», - dedi Qasym-Jomart Toqaev Ekibastuzda ótip jatqan monoqalalardy damytý máselelerine arnalǵan jınalysta.
Aqordanyń Twitter-degi málimetine sáıkes, Memleket basshysy Úkimetke elimizdegi barlyq monoqalalarǵa tıisti saraptama júrgizýdi tapsyrǵan.
«Úkimet oblys jáne monoqalalardyń ákimdikterimen birlesip, barlyq monoqalalar boıynsha tıisti saraptama ázirleýi qajet. Ol ázirlenip jatqan Aýmaqtyq damý jospary men Óńirlerdi damytý josparyn eskerýi tıis. Jumysty 2022 jyldyń 1 naýryzyna deıin aıaqtaý kerek», - dedi QR Prezıdenti.
Buǵan deıin habarlaǵanymyzdaı, búgin Qasym-Jomart Toqaev jumys saparymen Pavlodar oblysynyń Ekibastuz qalasyna keldi . Memleket basshysy jumys sapary barysynda monoqalalardy damytý jóninde keńes ótkizip, Prezıdenttik jastar kadr rezerviniń ókilderimen kezdesedi. Sonymen qatar qaladaǵy ındýstrıaldy kásiporyndarǵa barady dep josparlanǵan.