Monıtorıngtik toptan qashqan meıramhana qonaqtarynyń vıdeosy jelide tarady
13:55, 11 Tamyz 2021
TEMІRATAÝ. QazAqparat – Temirtaýdaǵy meıramhanana ıeleri monıtorıngtik top ókilderin kirgizýden bas tartqan, dep habarlaıdy QazAqparat tilshisi.
9 tamyzda 102 pýltine Metallýrgter dańǵyly boıynda ornalasqan Temirtaýdaǵy Grand holl meıramhanasynda kópshilik jınalǵan is-shara ótip jatqany týraly habarlama kelip tústi. Oqıǵa ornyna monıtorıngtik top kelgen. Tekserýshilerdiń kózine túspeý úshin qonaqtar qyzmettik kireberisten shyǵyp, dalaǵa qashqan. Kýáger bul áreketti vıdeoǵa túsirip, áleýmettik jelige ornalastyrdy.
«Monıtorıngtik top kelgen soń fakt rastaldy. Alaıda, mekeme ákimshiligi ǵımaratqa kirýge ruqsat berýden bas tartty. Kelýshiler meıramhanadan qosalqy kireberis (jertóle) arqyly jasyryn túrde kete bastady. Meıramhana ıesine 670 910 teńge aıyppul salynady», - dedi Temirtaý qalasy ákiminiń baspasóz hatshysy Gúlnur Ábdiǵalıeva.