Monıtorıng toptar elordanyń qoǵamdyq kólikterin nege teksermeıdi

NUR-SULTAN. QazAqparat – Monıtorıng toptary elordanyń qoǵamdyq kólikterin nege teksermeıdi? Bul saýalǵa Nur-Sultan qalasynyń bas memlekettik sanıtarlyq dárigeri Sarhat Beısenova jaýap berdi, dep habarlaıdy QazAqparat tilshisi.

«Kólik nysandaryna qatysty bul másele óte ózekti. Barlyq ýaqytta kólik qatynasy qajet ekendigin aıtamyz. Biraq, kólikterdi mindetti túrde zalasyzdandyrý jáne barlyq saqtyq is-sharalaryn saqtaýúshin demalys kúnderi qatynasýyna tyıym salamyz. Jalpy, avtobýsta áleýmettik araqashyqtyq saqtaý óte qıyn. Bul oraıda búkil halyqqa mindetti túrde maska taǵýǵa keńes beremiz. Bul tasymaldaýshylardyń da, halyqtyń da mindetti túrdegi jaýapkershiligi», - dedi bas sanıtarlyq dáriger elorda ákimdiginde ótken brıfıng barysynda.

Sonymen qatar, ol qoǵamdyq kólikterde nelikten monıtorıng jumysy júrgizilmeıtindigin túsindirip berdi.

«Avtobýstarda sanıtarlyq talaptardyń saqtalýyn tekserý múmkin emes. Óıtkeni, tekserýdi kásipkerlik kodeks negizinde barlyq sanıtarlyq normalardy saqtaı otyryp júrgizýge tıispiz. Al avtotasymaldaýshylarda sanıtarlyq norma joq. Mol sebepti zańdy túrde tekserý júrgize almaımyz. Tek usynys sıpatynda shekteý rejıminiń is-sharalaryn saqtaýǵa keńes bere alamyz», - dedi Sarhat Beısenova.