Monıtorıng toby nege Almatydaǵy «baraholka» bazaryn teksermeıdi

ALMATY. QazAqparat - Almatynyń bas sanıtar dárigeri Jandarbek Bekshın onlaın brıfıng barysynda «baraholka» bazaryn nege tekserýge bolmaıtynyn túsindirdi, dep habarlaıdy QazAqparat tilshisi.

Jýrnalıster onlaın brıfıng barysynda monıtorıng toptary nege tek kafeler men meıramhanalardy tekserip, «baraholkada» tekserý júrgizbeıtinin surady.

«Bul nysandar tekserilmeıdi emes, tekseriledi. 1,5 aı buryn bir jerde jaqyn ornalasqan bazarlarǵa 1 mln teńge aıyppul salyndy. Alaıda epıdemıologııalyq taldaýlarǵa sensek, ınfektsııanyń 37% jabyq jerlerde taralady. Túngi klýbtarda adamdar 5-6 saǵat jabyq jerde jaqyn otyrady. Al bazarǵa barsaq, satýshynyń aldynda uzaq turmaımyz. Zatymyzdy alyp, kete beremiz», - dedi ol.

Aıta ketý kerek, 24 qazanda Almatyda monıtorıng toptary 59 nysandy tekserip, 11 nysanda karantın talaptary buzylǵanyn anyqtady.