Mońǵolııalyq qandasymyz Baıan-Ólgıı aımaǵynyń ákimi qyzmetine taǵaıyndaldy

<p>ASTANA. KAZINFORM &ndash; Mońǵolııa premer-mınıstriniń buıryǵymen Baıan-Ólgıı aımaǵynyń ákimi qyzmetine Zańǵar Esentaıuly taǵaıyndaldy. Bul týraly <a href="https://kaznews.mn/%d0%b1%d0%b0%d1%8f%d0%bd-%d3%a9%d0%bb%d0%b3%d0%b8%d0%b9-%d0%b0%d0%b9%d0%bc%d0%b0%d2%93%d1%8b%d0%bd%d1%8b%d2%a3-%d3%99%d0%ba%d1%96%d0%bc%d1%96-%d2%9b%d1%8b%d0%b7%d0%bc%d0%b5%d1%82%d1%96%d0%bd%d0%b5/" target="_blank" rel="noopener">Kaznews</a>&nbsp;aqparat agenttigi habarlady.</p>

Atalǵan BAQ-tyń deregine súıensek, jańadan saılanǵan Baıan-Ólgıı aımaqtyq Azamattar ókilderi Hýralynyń 28 qazan kúngi alǵashqy májilisinde aımaqtyń jańa ákimine Zańǵar Esentaıulynyń kandıdatýrasyn qoldap, Mońǵolııa premer-mınıstrine usynǵan bolatyn.

«Mońǵolııa premer-mınıstriniń ókimimen buǵan deıin eki ret aımaqtyq azamattar ókilderi Hýralynyń depýtaty ári aımaqtyq demokratııalyq partııa basshysy qyzmetin atqarǵan, Samal kompanııasynyń dırektory bolyp jumys istegen Zańǵar Esentaıuly Baıan-Ólgıı aımaǵynyń ákimi bolyp taǵaıyndaldy», - dep jazady mońǵolııalyq BAQ.

Aıta keteıik, buǵan deıin Qazaqstan Mońǵolııaǵa jerserik eksporttaıtynyn jazǵanbyz.