Mońǵolııadan jalǵan qujatpen engizilgen 169 avtokólik anyqtaldy

ASTANA. 22 tamyz. QazAqparat - QR QM Kedendik baqylaý komıtetiniń Kontrabandaǵa qarsy kúres basqarmasynyń qyzmetkerleri jeke tulǵalardyń Qazaqstan Respýblıkasynyń aýmaǵyna Mońǵolııadan 169 avtokólikti jalǵan qujattardy paıdalana otyryp kontrabandalyq jolmen ákelý faktisin anyqtady, dep habarlaıdy Altaynews.kz Kedendik baqylaý komıtetiniń baspasóz qyzmetine silteme jasap.

«Kontrabandalyq jolmen ákelingen avtokólik quraldarynyń kedendik quny 259 457 723 teńgeni quraıdy. Memleketke tólenbegen kedendik tólemder men salyqtar túrindegi keltirgen zalal somasy 391 082 168 teńgeni qurady» delingen habarlamada.

Sonymen qatar, Kontrabandaǵa qarsy kúres basqarmasynyń ortalyq apparatynyń qyzmetkerleri Qazaqstan Respýblıkasy aýmaǵyna taýarlardy kontrabandamen ákelýdiń asa iri faktilerin áshkerelegen.

Máselen, Jambyl oblysy boıynsha KBD-nyń «Qordaı» jáne «Qarasý» keden beketterinde Túrkııadan Qazaqstan Respýblıkasynyń aýmaǵy arqyly Qyrǵyz Respýblıkasyna «jalǵan tranzıt» qylmystyq shemasyn paıdalana otyryp, HTT ekonomıkalyq kontrabandasynyń 16 faktisi tirkelipti.

Memleketke tólenbegen kedendik tólemder men salyqtar túrindegi keltirgen zalal somasy 73 178 791 teńgeni qurady.

Baspasóz paraǵynda kórsetilgendeı, jyl basynan Qazaqstan Respýblıkasynyń keden organdary avtokólik quraldaryn kontrabandalyq jolmen ákelý faktileri boıynsha 144 qylmystyq is jáne «jalǵan tranzıt» boıynsha 17 qylmystyq is qozǵady, zańsyz aınalymnan 114 kg 749 gr ár túrli esirtki zattar alyndy, onyń ishinde 38 kg 184 gr geroın bar.