Mońǵolııadaǵy qazaqtar eldiń damýyna úlken úles qosty - Mıeegombyn Enxbold
Parlament spıkerimen bolǵan kezdesýge buryn joǵary qyzmette istegen qazaqtar, sondaı-aq, ǵylym, bilim, densaýlyq, óner men sport salasynda eńbek etip júrgen jastar shaqyryldy. Qonaqtardyń eń úlkeni - 94 jasta. Ol - Jálel Hazıra. Parlament spıkeri M.Enxbold barlyq qazaqtardy Naýryz meıramymen quttyqtap, eldiń damýyna, qazaq xalqynyń mádenıeti pen salt-dástúrin saqtaýǵa qosqan úlesteri úshin óz rızashylyǵyn bildirdi.
«Naýryz - bul álemdik deńgeıdegi meıram. Ony ıÝNESKO-nyń materıaldyq emes mádenı murasyna qosty. Atalǵan merekemen barshańyzdy shyn júrekten quttyqtaımyz! Osy jerdegi qazaqtar Mońǵolııanyń damýyna eleýli úles qosty. Ásirese, mal sharýashylyǵy, aýyl sharýashylyǵy, qurylys, kólik pen paıdaly qazbalardy óndirý salasynda qazaqtardyń eńbegi zor», - dep atap kórsetti M.Enxbold.
Óz kezeginde Parlamenttiń burynǵy múshesi, mádenıet salasyna eńbegi sińgen qaıratker Táýkeı Sultan jáne professor Qabysh Islam barlyq qazaq dıasporasy atynan alǵys aıtyp, Mońǵolııadaǵy qazaqtarǵa úkimet tarapynan jasalatyn qoldaý úshin óz rızashylyqtaryn bildirdi.