Mońǵolııada prezıdent saılaýynyń ekinshi týrynda jeńiske jetken úmitker ataldy
06:13, 08 Shilde 2017
ASTANA. QazAqparat - Mońǵolııanyń prezıdent saılaýynyń bastapqy nátıjesi týraly BAQ-qa eldegi Demokratııalyq partııanyń ókilderi jergilikti ýaqyt boıynsha saǵat 01.20-da málimdeme jasady, dep habarlaıdy eldiń aqparat agenttigi MONTsAME .
Partııa tóraǵasy S.Erdene baspasóz máslıhaty barysynda «DP úmitkeri H.Battýlga daýys berýshilerdiń 50,7 paıyz daýysyn jınap, prezıdent saılaýynyń ekinshi týrynda jeńiske jetkenin» málim etti.
Tikeleı efır barysynda daýystardy sanaý jalǵasýda. Saǵat 01.30 boıynsha Demokratııalyq partııa úmitkerine 603 myń 652 daýys berilgen. Mońǵol Halyq partııasynyń ókili qazirgi Parlament basshysy - 494 myń 696 daýys jınaǵan.