Mońǵolııada 89 adam boran kezinde joǵalyp ketti

<p>Mońǵolııanyń Zavhan aımaǵynda qarly boran kezinde joǵalyp ketken 89 adam tabylyp, qutqaryldy.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://russian.news.cn/20231219/05d6b8e1ca0b470cbd548edd0a7da21d/c.html" target="_blank" rel="noopener">Sınhýa agenttigine</a>&nbsp;silteme jasap habarlaıdy.</p>

«Atalǵan aımaqty dúr silkindirgen qatty qarly boran saldarynan Mońǵolııanyń Tótenshe jaǵdaılar jónindegi bas basqarmasynyń jedel shtabyna 89 adamnyń joǵalyp ketýine qatysty 29 qońyraý tústi, onyń ishinde mal jaıyp júrgen malshylar, sondaı-aq qardyń qalyń túsýi men joldyń kórinbeýi saldarynan aýyl joldarynda turyp qalǵan júrgizýshiler bar», - delingen habarlamada.

Eske salsaq, 6 qarashada Mońǵolııanyń Týv jáne Ýverhangaı aımaqtaryndaǵy qarly boran saldarynan 8 adam qaza tapty, onyń ishinde 11 jasar bala bar.

Qarasha aıynyń sońynda taǵy qarly boran soǵyp, joǵalǵan 294 adam aman qutqaryldy. Elde sol kúnderi - 38.1 gradýs aıaz tirkeldi.