Mońǵolııada 23 aqpannan bastap koronavırýsqa qarsy vaktsınatsııa júrgiziledi

NUR-SULTAN. Montsame-QazAqparat – Mońǵolııa úkimeti el turǵyndaryna vaktsına egýdi 23 aqpannan bastaýdy josparlap otyr. Bul týraly búgin baspasóz konferentsııasynda Mońǵolııa eliniń Densaýlyq saqtaý mınıstri S.Enhbold málimdedi, dep habarlaıdy QazAqparat Montsame aqparat agenttigine silteme jasap.

Vedomstvo basshysynyń aıtýynsha, 23 aqpannan bastap el azamattaryn vaktsınalaý boıynsha jospar quryldy.

«Qazirgi kezde biz vaktsınanyń tórt túrin ımporttaý týraly kelissózder júrgizýdemiz. Birinshi kezekte Mońǵolııa Pfizer jáne AstraZeneca vaktsınalaryn alady», - dedi S.Enhbold.

Ol sondaı-aq -70 gradýs temperatýrada saqtalýy tıis Pfizer vaktsınasyna arnalǵan qoıma jáne jabdyqtardyń tolyq daıyn ekenin qosyp ótti.

«El turǵyndarynyń 20 paıyzyna vaktsına Covax baǵdarlamasynyń qarjylandyrý esebinen egiledi, vaktsınalaýǵa turǵyndardyń jalpy alǵanda 60 paıyzy tartylady. El halqynyń qalǵan bóligin vaktsınalaý qarjylandyrýdyń basqa kózderinen júrgiziledi. Bul másele Qarjy mınıstrligi tarapynan tolyq sheshilip, maquldanǵan», - dedi mınıstr.