Mońǵolııada 2023 jyly mal sany azaıǵan

<p>ASTANA. KAZINFORM - Mońǵolııada 2023 jyl sońynda iri jáne usaq mal basy 2022 jylmen salystyrǵanda 9,1%-ǵa azaıyp, 64,7 mln basty qurady. Bul týraly Ulttyq statıstıka komıtetiniń (UQK) baıandamasynan málim boldy, dep habarlaıdy <a href="https://www.montsame.mn/" target="_blank" rel="noopener">MONTsAME</a> aqparat agenttigi.&nbsp;</p>

UCK málimetinshe, ótken jylmen salystyrǵanda Mońǵolııada jalpy mal basy 6,4 mln basqa (-9,1%) azaıǵan. Atap aıtqanda, qoı sany 3,3 mln basqa (-10,2%), eshki 3 mln basqa (-10,7%), sıyr 164,3 myń basqa (-2,9%), jylqy 8,6 myń basqa (-0,2%) jáne túıe 3,4 myń basqa (- 0,7%) azaıdy.

Mal sanaǵynyń aldyn ala qorytyndysy boıynsha, Mońǵolııadaǵy mal basy 2023 jyldyń aıaǵynda 64,7 mln basty qurady, onyń ishinde qoıdyń jalpy sany 29,4 mln, eshki 24,6 mln, sıyr 5,3 mln, jylqy 4,8 mln jáne túıe 473,9 myń basty qurady.

Sınhýa aqparat agenttiginiń budan buryn habarlaǵanyndaı, 2023 jyly Mońǵolııada aýa raıynyń qolaısyzdyǵy eldegi maldyń, ásirese qoı men eshkilerdiń jappaı qyrylýyna ákeldi.

UQK málimetinshe, 2022 jyldyń sońynda Mońǵolııada 71,1 mln bas mal bolǵan.