Mońǵolııa jaıylymdardy turaqty paıdalaný jónindegi halyqaralyq koalıtsııa qurý týraly bastama kóterdi

<p>ASTANA. KAZINFORM &ndash; Mońǵolııa jaıylymdar men bolashaq jerlerdi turaqty paıdalaný jónindegi halyqaralyq koalıtsııa qurý týraly bastama kóterip otyr. Bul týraly sársenbide Mońǵolııa Prezıdenti Ýhnaagıın Hýrelsýh Bakýde ótken SOP29 Dúnıejúzilik klımat sammıtiniń aıasynda málimdedi, dep jazady <a href="https://russian.news.cn/20241113/414de2f9d9d24821ab63b6fcfb019ef7/c.html" target="_blank" rel="noopener">Sınhýa</a>.</p>

Onyń aıtýynsha, klımattyń ózgerýi tabıǵı faktorlarmen de, adam qyzmetiniń tikeleı áserinen de jedeldep, turaqty damýǵa, dúnıejúzindegi adamdardyń ómir súrý quraldary men ál-aýqatyna keri áser etedi.

«Osyǵan oraı, saıası kóshbasshylyǵymyzdy, birlesken kúsh-jigerimizdi jáne is-áreketimizdi kúsheıtýimiz qajet. Tabıǵat-anamen úılesimdi ómir súrý — adam bolmysynyń negizi jáne biz muny eshqashan umytpaýymyz kerek», — dedi ol.

Ý.Hýrelsýh dástúrli mal sharýashylyǵyna arqa súıeıtin elder úshin klımattyq ózgeristerdiń jaǵymsyz saldaryn joıý maqsatynda Mońǵolııa jaıylymdar men bolashaq jerlerdi ornyqty paıdalaný jónindegi halyqaralyq koalıtsııa qurýdy usynyp otyrǵanyn basa aıtty.

«Biz dúnıejúziniń dástúrli mal sharýashylyǵy tájirıbesi bar 100-den astam elde 500 mıllıonǵa jýyq adamǵa densaýlyǵy men ómir súrý jaǵdaıyn jaqsartý arqyly paıda ákeletin ınvestıtsııa men qarjylandyrýdy ulǵaıtý jónindegi bul bastamany qoldaıtynyna senimdimiz», - dedi Ý.Hýrelsýh.

Eske sala keteıik, jaqynda memleket basshysy Qasym-Jomart Toqaev Mońǵolııaǵa memlekettik saparmen barǵanyn jazǵan bolatynbyz.