Mońǵolııa prezıdenti qazaq otbasymen Naýryz merekesin atap ótti
17:27, 23 Naýryz 2017
ASTANA. QazAqparat - Mońǵolııa Prezıdenti Tsahıagıın Elbegdorj aqsaqal, ǵalym oqytýshy Qylysh Aqsoltannyń úıinde merekelik kúndi qarsy aldy, dep habarlady ARD.
Qylysh Aqsoltan Mońǵolııada 53 jyldan beri jumys istep keledi. Onyń 40 jylynda Mońǵol memlekettik ýnıversıtetiniń ekonomıka fakýltetiniń ǵylymı qyzmetkeri, oqytýshysy retinde eńbek etti. Sońǵy 13 jylda ol «Mońǵol» JOO-da oqytýshy bolyp jumys isteıdi.
Qylysh Aqsoltan jubaıy Aıatolhanmen, tórt balasy jáne 6 nemeresimen turyp jatyr.
Mońǵolııa prezıdenti úı ıesi men mońǵolııalyq qazaqtardy jyl basy - Naýryzben quttyqtady.
«Kóktem merekesinde aı men kún teńeledi, kóktem ózimen birge jaqsylyq ala keledi», - dedi Elbegdorj aqsaqalmen áńgimelesý barysynda.