Mońǵolııa óz azamattaryn Koreıa Respýblıkasynan evakýatsııalady

ULAN-BATYR. MONTsAME-QazAqparat – Mońǵolııa 850-ge jýyq azamatyn qaýipsiz jerge shyǵarý úshin aqpan aıynda tórt charterlik reısti uıymdastyrýdy josparlap otyr. Bul týraly QazAqparat MONTsAME agenttigine silteme jasap habarlaıdy.

Memlekettik Tótenshe komıssııanyń (MTK) kestesine sáıkes, ishinde Mońǵolııanyń 166 azamaty otyrǵan Seýl-Ulan-Batyr baǵdary boıynsha charterlik reıs keshe, 3 aqpan kúni jergilikti ýaqytpen saǵat 20:07-de Býıant Ýhaa halyqaralyq áýejaıyna qondy.

Ushý kezinde Býıant-Ýhaa shekara qyzmetiniń memlekettik ınspektorlary jolaýshylardyń densaýlyq jaǵdaıyn baqylap, qajetti nusqaýlyqtaryn bergen. Áýe kemesi Mońǵolııa astanasyna qonǵan kezde, koronavırýs ınfektsııasynyń el aýmaǵyna taralýynyń aldyn alý jáne boldyrmaý boıynsha barlyq qajetti sharalar qabyldandy.

Qazirgi kezde elge kelgen áýe jolaýshylary mindetti 21 kúndik oqshaýlaýǵa alyndy.

MTK málimetinshe, aıdyń sońyna deıin kelesi reıster josparlanǵan:

10 aqpan - Tokıo –Ulan-Batyr

24 aqpan - Ystanbul – Ulan-Batyr

26 aqpan - Seýl- Ulan-Batyr