«Mońǵolııa qazaqtarynyń teatr tarıhy» atty kólemdi entsıklopedııalyq jınaq jaryq kórdi

<p>ASTANA. KAZINFORM - QR Ulttyq akademııalyq kitaphanasynda ónertanýshy, jazýshy Taıf Táýkeıulynyń &laquo;Monǵolııa qazaqtarynyń teatr tarıhy&raquo; jáne &laquo;Kerýen ǵumyr&raquo; kitaptarynyń tusaýkeseri ótti, dep habarlaıdy Mádenıet jáne aqparat mınıstrliginiń baspasóz qyzmeti.</p>

«Mońǵolııa qazaqtarynyń teatr tarıhy» kitabynda Baıan-Ólgeıdegi ulttyq teatrdyń qalyptasýy, onyń negizin qalaýshylar, ár kezeńdegi damýyna atsalysqan tulǵalar týraly baıandalady. 

Foto: Mádenıet jáne aqparat mınıstrliginiń baspasóz qyzmeti

Qazaq drama teatry halyqqa rýhanı azyq bergen qasıetti óner shańyraǵy bolǵan. Teatr sahnasynda jergilikti qazaq jazýshylarynyń, mońǵol, qazaqstandyq jáne sheteldik dramatýrgterdiń kóptegen týyndysy sahnalanǵan. Mádenıet ordasynyń damýyna Qazaqstannan shaqyrylǵan mamandar kóp úles qosqan. Entsıklopedııalyq jınaqta bul týraly egjeı-tegjeıli aıtylady. 

Foto: Mádenıet jáne aqparat mınıstrliginiń baspasóz qyzmeti

«Kerýen ǵumyr» kitaby – Mońǵolııanyń túrli aımaǵynda 30 jyldan asa mekendep, eńbek etken otandastardyń taǵdyry týraly.

«Mońǵolııa qazaqtarynyń teatr tarıhy» atty kólemdi entsıklopedııalyq jınaq memlekettik tapsyryspen, Almatydaǵy «Dáýir» baspasynan jaryq kórgen. «Kerýen ǵumyr» ǵylymı-kópshilik kitaby Qazaqstan Jazýshylar odaǵy men «Otandastar» qorynyń qoldaýymen basylyp shyqqan.