Mońǵolııa Dúnıejúzilik qos órkeshti túıe qaýymdastyǵyn qurady

<p>ASTANA. KAZINFORM &ndash; BUU Bas Assambleıasy 2024 jyldy Halyqaralyq túıe jyly dep jarııalady. Osyǵan oraı Mońǵolııada Halyqaralyq túıe jylynyń ashylý saltanaty uıymdastyryldy, dep habarlady <a href="https://montsame.mn/ru/read/336685" target="_blank" rel="noopener">MONTsAME </a>agenttigi.</p>

Ótken jyly Mońǵolııa Úkimeti tıisti qaýly shyǵardy. Sonymen qatar, elimiz Dúnıejúzilik qos órkeshti túıe qaýymdastyǵyn qurýǵa bastamashy boldy.

«Mońǵolııada túıe ósirýshilermen, úkimettik emes uıymdarmen, qaýymdastyqtarmen, ǵalymdarmen jáne bıznes ókilderimen túıe sútin óndirý klasterin qurý boıynsha jumys istep jatyrmyz. Baıanhongor aımaǵynda túıe sútin óńdeıtin zaýyt qurylyp, alǵashqy nátıjeler bar. Dál osyndaı zaýytty basqa aımaqta qurýdy qolǵa alyp jatyrmyz», -dedi Azııadaǵy sút ónerkásibin damytý jónindegi seriktestik hatshylyǵynyń atqarýshy dırektory B.Batbaıar.

Ashylý saltanatynda sóz alǵan Mońǵol jún jáne kashemır qaýymdastyǵynyń atqarýshy dırektory D. Altantsetseg mońǵoldar mal sharýashylyǵynan alynatyn shıkizattyń bárin paıdalanatynyn atap ótti. Túıe de óte paıdaly janýar. Túıelerdiń, ásirese eki jasar túıelerdiń júni óte jumsaq, sapasy jaǵynan eshki kashemırine uqsas bolatynyn aıtty.