Mońǵolııa astanasynda «qyzǵylt sary» deńgeı 5 sáýirge deıin uzartyldy

ULANBATYR. QazAqparat-MONTsAME – Mońǵolııanyń Memlekettik tótenshe komıssııasynyń otyrysynda el astanasynda daıarlyqtyń «qyzǵylt sary» deńgeıin 29 naýryz ben 5 sáýir aralyǵyna deıin uzartý jóninde sheshim qabyldandy, dep habarlaıdy QazAqparat montsame.mn-ge silteme jasap.

Otyrys sońynda Mońǵolııanyń vıtse-premeri, komıssııa tóraǵasy S.Amarsaıhan bul másele eldiń mınıstrler kabınetiniiń búgingi kezekti otyrysynda usynylyp, sońǵy sheshim sol jıynda qabyldanatynyn málimdedi.

Atalmysh komıssııa sońǵy birneshe kúnde Ulanbatyrda koronavırýsqa shaldyǵý sanynyń kóbeıýine baılanysty daıarlyqtyń «qyzǵylt sary» deńgeıi rejımin jalǵastyrýdy jón dep sanady.

Bul rette óndiristik jáne qyzmet kórsetýshi uıymdardyń jumys kestesine ózgeris engizip, jekemenshik kásiporyndardyń sanıtarlyq-epıdemıologııalyq sharalardy mindetti saqtaýyna qatysty arnaıy keńes ázirleý josparlanǵan.

Covid-19 vırýsyna shaldyǵý sanynyń artýyna qaramastan komıssııa koronavırýstyń jeńil belgisi bar naýqastarǵa emdeý, úıde oqshaýlaý, kóshpeli medbrıgada jumysyn jalǵastyrýdy jáne jekelegen karantındi engizýge qatysty qabyldanyp otyrǵan sharalardy jalǵastyrýdy jón dep sanaıdy.