Mońǵolııa astanasynda 12 kúndik qatań karantın bastaldy

ULANBATYR. MONTsAME-QazAqparat. QazAqparat – Mońǵolııanyń Ulanbatyr qalasynda búgin, 11 aqpan jergilikti ýaqytpen tańǵy saǵat 6-dan bastap qatań karantın jarııalandy, dep habarlaıdy QazAqparat MONTsAME agenttigine silteme jasap.

Qalada kólik men adamnyń júrýine tyıym salynǵan, qozǵalys 90 paıyzǵa qysqartyldy. Bul Ulanbatyrda koronavırýstyń taralýyn toqtatý úshin qabyldanǵan úshinshi qatań karantın.

Karantın kezinde «Bir páter – bir test» aktsııasy uıymdastyrylyp, koronavırýs juqtyrǵan naýqastarmen tikeleı nemese janama baılanysta bolǵan adamdar anyqtalyp, oqshaýlanady. Kún saıyn 35-40 myń adam COVID-19-dyń bar-joǵyn anyqtaıtyn test tapsyrady.

12 kúndik karantın kezinde strategııalyq mekemeler men 14 sala qyzmetin jalǵastyrady.

Sondaı-aq bılik ókilderi aı kúntizbesi boıynsha keletin ulttyq jańa jyly Shaǵan (Tsagaan sar) merekesin toılaýǵa tyıym saldy. Bıyl bul mereke 12 aqpanda bastalady, biraq el ishinde koronavırýs tarap jatqandyqtan Mońǵolııa ekinshi jyl qatarynan bul dástúrli merekeni toılamaıdy. Byltyrǵydaı qala jáne provıntsııa turǵyndary merekeni úıde otbasymen ǵana atap óte alady. Merekeni atap ótýge arnalǵan is-sharanyń bári toqtatyldy.