Mońǵolııa 1 maýsymnan bastap shekarasyn ashty
Mońǵolııa 2021 jyldyń 1 maýsymynan bastap resmı óz shekarasy ashty. Nátıjesinde el azamattary Túrkııa, AQSh, Birikken Arab Ámirlikteri, Grekııa, Qyrǵyzstan, Taıland, Brazılııa, Egıpet jáne Úndistan qatarly shekarasy ashyq onnan astam elge bara alady.
Álemniń 110-nan astam eli, sonyń ishinde Reseı, Qytaı, Ońtústik Koreıa, Japonııa jáne ózge Eýropa elderi shekaralaryn jartylaı nemese tolyq jaýyp, sheteldikterge vıza berýdi toqtatqan bolatyn. Ol elderge tek turaqty vızasy bar sheteldik kire alady.
Mońǵolııa azamattary erkin saıahattaıtyn elder sanyn kóbeıtý maqsatynda Mońǵolııa Úkimeti tarapynan koronavırýsqa qarsy vaktsınatsııalanǵan azamattarǵa vaktsına saldyrǵanyn rastaıtyn kýálik berip, ony zańdy dep taný úshin Qytaı, Reseı, Ońtústik Koreıa, Qazaqstan Respýblıkasy, Majarstan jáne ózge Eýropa elderimen dıplomatııalyq kelissózder júrgizilip jatyr.
Eske sala ketsek, koronavırýsqa qarsy vaktsınatsııanyń tolyq kýrsyn (eki komponentin) alǵan shet memleket azamattaryna Mońǵolııaǵa kelýge ruqsat berý máselesi eldiń Úkimet otyrysynda qaralǵan bolatyn.