«Monex» shuǵyl aqsha aýdarymdary júıesi TMD elderimen jańa kelisim jasasty

ASTANA. QazAqparat - «Monex» shuǵyl aqsha aýdarymdary júıesi «UPT» jáne «Zolotaıa korona» tólem júıesi boıynsha Túrkııamen, TMD elderimen jáne basqa da memlekettermen yntymaqtastyq týraly jańa kelisimderge qol qoıdy, dep habarlaıdy sheteldik BAQ.

Endi «Monex» shuǵyl aqsha aýdarymdary júıesiniń klıentteri «UPT» júıesiniń klıentterimen aqsha aýdarymdaryn júzege asyra alady jáne kerisinshe.

Sonymen qatar «Monex» shuǵyl aqsha aýdarymdary júıesiniń klıentteri Qazaqstan, Reseı, Grýzııa, Ózbekstan, Tájikstan, Qytaı, Moldova, Ýkraına, Izraıl jáne basqa da elder baǵytynda «Zolotaıa korona» júıesiniń klıentterimen aqshalaı aýdarymdardy júzege asyra alady.

Aıta keteıik, Qazaqstannan ózge Túrkııa, Grýzııa, Reseı, Chehııa, Ulybrıtanııa, Ózbekstan, Mońǵolııa, Nepal, BAÁ, Saýd Arabııasy, Kýveıt, Belarýs, Qytaı, Izraıl, Qyrǵyzstan, Moldova, Tájikstan, Ýkraına tárizdi elderde 30 myń shuǵyl aqsha aýdarymdary pýnktteri ornalasqan Monex júıesiniń qyzmet kórsetý geografııasy yntymaqtastyq ornatqannan keıin edáýir ulǵaıdy.