Móldir bulaq: Jetisýda sý qoımalary men ózen arnalary tazartyldy

<p>Respýblıkalyq &laquo;Taza Qazaqstan&raquo; ekologııalyq aktsııasy bastaý alǵannan beri oblys turǵyndary, volonterler, jastar uıymdary, medıtsınalyq jáne bilim berý mekemeleriniń qyzmetkerleri, sonymen qatar, óńir sportshylary men ónerpazdary &ndash; jalpy 103 myńnan astam adam atsalysyp, 803 tehnıka jumyldyryldy. Ekologııalyq aktsııalar nátıjesinde 4 875 tonna qoqys shyǵaryldy. Oblys aýmaǵynda jalpy 29 514 túp aǵash otyrǵyzyldy.</p>

Búgingi tańda atalmysh aktsııanyń «Móldir bulaq» naýqany jalǵasýda. «Móldir bulaq» – ózen, kólder mańyna tazalyq jumystaryn júrgizip, jaǵajaılardy qoqystan tazartýǵa baǵyttalǵan ekologııalyq aktsııalardan turady.

Kerbulaq aýdanynda da ekologııalyq sharalar legi jalǵasyn taýyp, Basshı aýylyndaǵy Araltóbe jáne Enkól sý qoımalaryna tazartý jumystary júrgizilip, aýmaǵyna senbilik jasaldy. Sharaǵa barlyǵy 110 adam qatysty.

Foto: Jetisý oblysynyń qoǵamdyq damý basqarmasy

Al, Eskeldi aýdany Kókjazyq, Qaınarly aýyldaryna qarasty bulaqtardyń kózin, ózen sýlarynyń arnasyn ashty. 70 astam turǵyndar men eriktiler qatysqan eko-shara nátıjesinde 6 tonna qoqys shyǵarylyp, 2500 m2 aýmaq tazartyldy. Atalmysh sharalar Alakól aýdanynyń Sapaq, Terekti, Qyzylaşy jáne Janama aýyldarynda aryq júıeleri tazartylyp, bulaq kózderi ashyldy.

Foto: Jetisý oblysynyń qoǵamdyq damý basqarmasy

Jalpy, oblys boıynsha osy aptada 20 myńǵa jýyq adamnyń qatysýymen, 50 ekologııalyq shara josparlanǵan.