Moldovada prezıdent saılaýynyń ekinshi týry ótedi

KIShINEV. MOLDPRESS-QazAqparat – Moldovanyń Ortalyq saılaý komıssııasy jarııalaǵan saılaý nátıjesi eki aptadan keıin elde prezıdent saılaýynyń ekinshi kezeńi ótýi múmkin ekenin kórsetti. Óıtkeni birde-bir kandıdat saılaýshylardyń 51% daýysyn jınaı almady, dep habarlaıdy QazAqparat Moldpresske silteme jasap.

Hattamalardyń 94% -dan astamy óńdelgennen keıin azamattardyń shamamen 35% -y táýelsiz kandıdat Igor Dodonǵa daýys bergen, al 32% -dan astamy «Áreket jáne yntymaqtastyq» partııasynyń kandıdaty Maııa Sandýdy qoldaǵany belgili boldy.

OSK usynǵan qazirgi málimetter boıynsha, saǵat 24.00-ge deıin Moldovada prezıdent saılaýy kezinde ashylǵan 2143 ýchaskeden 2019 (94,21%) hattama óńdeldi. Osylaısha saılaýshylardyń shamamen 17% -y «Bizdiń partııamyzdyń» kandıdaty Renato Ýsatyıǵa, al 7%-y «Shor» partııasynyń kandıdaty Vıoletta Ivanovaǵa daýys bergen.

«Abyroı men shyndyq platformasy» partııasynyń kandıdaty Andreı Nestase shamamen 3%, al Ulttyq birlik partııasynyń kandıdaty Oktavıan Tsıký shamamen 2% daýys jınaǵan. Moldavanyń lıberal-demokratııalyq partııasynyń kandıdaty Týdor Delıge, «UNIREA» blogynan Dorın Kırtoakege saılaýshylardyń bir paıyzy daýys bergen.

OSK málimetteri boıynsha, 21.00-ge deıin 1 214 378 adam, ıaǵnı saılaýshylardyń 42,7%-y daýys berýge kelgen.