Moldova prezıdentiniń ıti Avstrııa prezıdentin tistep aldy

<p>Saldarynan Avstrııa basshysy Van der Bellen qujattarǵa qoly baılaýly kúıinde qol qoıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://www.reuters.com/world/europe/moldovan-dog-bites-man-this-time-president-2023-11-16/" target="_blank" rel="noopener">Reuters</a>&nbsp;agenttigine silteme jasap.</p>

Avstrııa prezıdenti Aleksandr Van der Bellenniń resmı sapary kezinde Moldova prezıdenti Maııa Sandýdyń ıti Avstrııa basshysynyń qolyn tistep aldy.

Aıtýlarynsha, oqıǵa qos memlekettiń basshylary prezıdent rezıdentsııasynyń aýlasynda serýendep júrgen kezde bolǵan.

Aldymen Van der Bellen eńkeıip Kodrýt atty ıtke qolyn sozǵan, ıt ony tistep alǵan.

Osydan keıin Moldova prezıdenti Bellennen aǵylshyn tilinde keshirim surap, ıttiń qasyndaǵy adamdardyń kóptiginen shoshyp ketkenin túsindirgen.

Resmı sapary barysynda Van der Bellen Moldova parlamentiniń spıkerimen birlesken qujattarǵa qol qoıdy.

Saltanatty rásimderden keıin Maııa Sandý áleýmettik jelidegi paraqshasynda birneshe sýret jarııalady.