Moldova prezıdenti Maııa Sandý koronavırýs vaktsınasyn saldyrdy
«Men áli vaktsına almaǵan Moldovanyń barlyq azamatyn jigerlendirgim keledi. Ekpe saldyrý óte mańyzdy. Kópshiligimiz osy pandemııada jaqyndarymyzdan aıyryldyq, kóbisi tabysyn, jalaqysyn, jumysyn joǵaltty. Kóptegen adam ózderiniń jaqyndarymen kórise almaýda, dostarymen jáne otbasymen birge jınala almaı qınalyp júr. Osyǵan toqtaý qoıýdyń, osy pandemııadan shyǵýdyń jalǵyz joly – vaktsınatsııa», - dep atap ótti memleket basshysy vaktsına ektirgennen keıin.
Sondaı-aq Maııa Sandý jaqyn arada elde vaktsınany saldyrǵysy keletin barlyq adam úshin ekpe qoljetimdi bolatynyn aıtty.
Ótken aptada Sinopharm óndirisiniń vaktsınasynyń alǵashqy dozasyn premer-mınıstrdiń mindetin atqarýshy Aýrelıı Chokoı saldyrǵan bolatyn.
Eldiń Densaýlyq saqtaý, eńbek jáne áleýmettik qorǵaý mınıstrliginiń málimetinshe, búgingi kúnde Moldovaǵa COVID-19-ǵa qarsy vaktsınanyń 685 myńǵa jýyq dozasy kelip túsken.
6 mamyrdaǵy jaǵdaı boıynsha elde ekpeniń birinshi dozasyn 150 myńǵa jýyq adam saldyrsa, al ekinshi dozasyn 21 myńnan astam adam alǵan.
Bul - halyqtyń bar-joǵy 4 paıyzy.