Moldova Parlamenti memlekettik tildiń aýystyrylýyn maquldady

KIShINEV. QazAqparat – Moldova Parlamenti barlyq zańdarda, sonyń ishinde Konstıtýtsııada «moldavııa tili» sóz tirkesin «rýmyn tili» tirkesine aýystyrý týraly zań jobasyn birinshi oqylymda maquldady. QazAqparat bul týraly euronews-ke silteme jasap habarlaıdy.

Qujat avtorlarynyń atap ótýinshe, olar bar bolǵany zań aktilerin Konstıtýtsııalyq sot sońǵy onjyldyqtarda qabyldaǵan sheshimderge sáıkes keltirip jatyr.

Oppozıtsııalyq partııa ókilderi bul sheshimge túbegeıli qarsy bolyp, Parlament minberine shyǵar joldy bógep tastady.

Ázirge Moldova konstıtýtsııasynda memlekettik til retinde «latyn qarpine negizdelgen moldova tili» kórsetilgen.