Moldova Eýroodaqqa kirýge kandıdat mártebesin alýy múmkin
16:24, 14 Maýsym 2022
NUR-SULTAN. QazAqparat – Moldava Respýblıkasy 24 maýsymda Eýropalyq odaqtan Kıshınevtiń Eýroodaqqa kirýge kandıdat mártebesin alý týraly ótinishine resmı jaýap alady, dep habarlaıdy QazAqparat Noi.md-ke silteme jasap.
Vıtse-premer Nıký Popeský Moldova Respýblıkasy toltyrǵan saýalnamalardy zerttegennen keıin Eýro Odaǵy eldi demokratııalandyrý jáne jańǵyrtý máseleleri boıynsha usynystar beretinin habarlady. Vıtse-premer eldiń sybaılas jemqorlyqqa qarsy kúreste jáne sot júıesin reformalaýda úlken olqylyqtar bar ekenin moıyndady. Biraq ol atalǵan Odaq uıymǵa kirýdiń naqty perspektıvasyn usynatynyna úmit artatynyn aıtty 17 maýsymda Eýropalyq komıssııa Moldova Respýblıkasymen qarym-qatynastyń qalaı damıtyny týraly óz usynystary men kózqarastaryn jarııalaıdy. EO-ǵa múshe elder bul usynystardy birneshe kún ishinde talqylaıdy.
24 maýsymda olar búkil Eýropalyq Odaq atynan usynys jasaıdy.