Moldova EAEO-da baqylaýshy el atandy

SOChI. QazAqparat - Moldova Respýblıkasy Eýrazııalyq ekonomıkalyq odaqta baqylaýshy el mártebesine ıe boldy. Bul týraly Reseı Prezıdenti Vladımır Pýtın málim etti, dep habarlaıdy QazAqparat tilshisi.

«EAEO-da baqylaýshy el mártebesin bekitý týraly sheshimdi atap óteıin. Bul mártebege Moldova Respýblıkasy usynylyp, kelisildi. Osyǵan baılanysty, bizdiń otyrysymyzǵa kelgen prezıdent Igor Dodonǵa hosh keldińiz dep aıtqym keledi. Moldova baqylaýshy el retinde bizdiń ıntegratsııalyq birlestikterimizdiń qyzmetine belsendi qatysady dep senemiz», - dedi Reseı Prezıdenti Vladımır Pýtın Joǵary Eýrazııalyq ekonomıkalyq odaqtyń otyrysynda.

Bul rette Vladımır Pýtın EAEO-nyń basqa da múddeli elderdiń, eń aldymen TMD-ǵa múshe memleketterdiń ótinishterin qaraýǵa daıyn ekendigin atap ótti.