Moldova baıqaýshylary Qazaqstandaǵy saılaýdyń ádil ári joǵary deńgeıde ótýine tilektestikterin bildirdi

ASTANA. QazAqparat - Búgin QR Ortalyq saılaý komıssııasynyń múshesi Tatıana Ohlopkova Moldova Ortalyq saılaý komıssııasynyń múshesi Svetlana Gýtýmen kezdesti.

«Adamdardyń saılaýǵa daıyn ekendigi anyq baıqalady. Bári tynysh, óz qalpymen júrgizilip jatyr. Budan keıingi de kúnderdiń tynysh ótetindigine senimdimin. Men barlyq baıqaýshylar rızashylyqpen attanýy úshin saılaýdyń ashyq ári joǵary deńgeıde ótýine tilektespin», - dedi ol kezdesýden keıin BAQ ókilderine bergen suhbatynda.

Sonymen qatar ol qonaqjaılyq tanytyp, jumys isteý úshin barlyq jaǵdaı jasaǵan Qazaqstan tarabyna rızashylyǵyn bildirdi.

«Bizdi óte jaqsy qarsy aldy. OSK qyzmetkerleri men hatshylyq bizge qajetti qujattardyń barlyǵyn berdi. Moldovadan kelgen bizdiń delegatsııamyzda 2 adam bar», - dedi S.Gýtý.