Moldova azamattary konstıtýtsııaǵa «eýropalyq» ózgerister engizýge qarsy shyqty

<p>ASTANA. KAZINFORM &ndash; Moldovanyń Ortalyq saılaý komıssııasy prezıdent saılaýyn da, onymen birge bir ýaqytta ótken eldiń Eýropa odaǵyna qosylýyna qatysty referendýmdy ótti dep tanydy. Ony ótken dep taný úshin saılaýshylardyń keminde 33%-y qatysýy qajet boldy, is júzinde bul san 51,57 paıyz, dep habarlaıdy <a href="https://ru.euronews.com/my-europe/2024/10/20/moldova-results" target="_blank" rel="noopener">Euronews.</a></p>

Birneshe ýchaskede, sonyń ishinde shetelde (Býharest jáne Máskeýde) halyqtyń kóp kelýine baılanysty jumysty birneshe saǵatqa uzartý sheshimi qabyldandy.

Polıtseıler kem degende 145 zań buzýshylyqty tirkedi. 
OSK jarııalaǵan málimetterge sáıkes, bıýlletenderdiń 58 paıyzyn sanaǵannan keıin saılaýshylardyń 55,5 paıyzy konstıtýtsııaǵa EO-daǵy baǵyt týraly erejelerdi engizýge qarsylyq bildirdi. 

Prezıdenttik saılaýda (bıýlletenderdiń 63%-yn sanaý qorytyndysy boıynsha) Maııa Sandý kósh bastap (36,1%), odan keıin Aleksandr Stoıanoglo (29,1%) tur. Baqylaýshylardyń atap ótýinshe, bul san odan ári sanaý kezinde ózgerýi múmkin. 

Buryn habarlanǵandaı, aǵymdaǵy saılaý – Moldova úshin osy joldaǵy alǵashqy kúrdeli synaq. 

Eske sala ketsek, 2023 jyldyń sońynda Maııa Sandý Moldova prezıdenti bolyp qaıta saılaný nıeti týraly málimdegen bolatyn.