Moldavan bıznesmeni Qazaqstannan 5 mlrd. AQSh dollaryn óndirýge tyrysyp baqty

ASTANA. 11 qańtar. QazAqparat - Moldavan bıznesmeni Anatolıı Statı men onyń uly Gabrıel Statı Qazaqstannan 5 mlrd. AQSh dollaryn óndirýge tyrysyp baǵýda.

QR Ádilet mınıstrligi baspasóz qyzmetiniń habarlaýynsha, Energetıkalyq hartııa sharty erejeleri negizinde Stokgolm saýda palatasy Tórelik ınstıtýtynyń erejeleri boıynsha Qazaqstan Respýblıkasyna qarsy Anatolıı Statı, Gabrıel Statı, Ascom Group S.A. jáne Terra Raf Trans Traiding Ltd. kompanııalarynyń talabymen Tórelik trıbýnal sheshim shyǵardy.

Talap etýdiń alǵashqy somasy 5 mıllıard AQSh dollaryn qurady. Tórelik trıbýnal 2013 jylǵy 19 jeltoqsandaǵy sheshiminde Qazaqstan Respýblıkasynyń negizgi dálelin qoldady jáne talapkerlerdiń 497 685 101 AQSh dollar somaǵa talaptaryn qanaǵattandyryp, 4,5 mıllıard AQSh dollar somaǵa talap etýlerden bas tartty.

«Alaıda, Qazaqstan Respýblıkasy óziniń is áreketiniń zańdylyǵynan qaıtpaı, osy sheshimmen kelispeıdi jáne jaqyn arada shaǵymdanady», - delingen habarlamada.

Statı otbasy Qazaqstan moldavan ınvestıtsııasyna qatysty Energetıkalyq hartııa shartyn buzdy dep otyr.